Hiri hondakinen inguruko Birziklapen Kanpaina
Italiar ikasleekin trukea
22 March, 2023
ERASMUS+ PROIEKTUA: Portugalgo eskolak bisitatzen
18 April, 2023
Gure ikastetxeko zenbait heziketa ziklotako ikasleek HIRI HONDAKINEN INGURUKO SENTSIBILIZAZIO ETA BIRZIKLAPEN KANPAINAn parte hartu dute. Bilboko Udalak ikastetxeetan garatzeko bultzatu duen kanpaina da, Bigarren Hezkuntzako eta Lanbide Heziketako ikasleei zuzenduta.
Ingurumen-hezkuntza etengabeko prozesua da, eta kontuan hartuta gaur egungo ikasleak etorkizunean hondakinen kudeaketaren arduradun izango direla, Bilboko Udalak kanpaina horri eusten dio, hondakinak behar bezala sailkatzearen garrantzia azpimarratzeko eta eskola-komunitateak horren inguruan izan ditzakeen zalantzak argitzeko.
Helburuak:
• Hiri-hondakinei buruzko ezagutza handitzea, eta hondakinen hierarkia azpimarratzea: murriztea, berrerabiltzea eta birziklatzea.
• Pertsona bakoitzak etxean sortzen ditugun hondakinen gainean duen garrantzia eta erantzukizuna azpimarratzea, eta horiek konpontzeko konpromiso pertsonalaren beharra bere gain hartzeko kontzientzia eta sentsibilizatzea.
• Kanpainan parte hartzen dutenak bultzatzea, jarrera-aldaketa bat gerta dadin, hondakin gutxiago sortzeko eta sortutako hondakinak behar bezala bereizteko.
• Eskola-komunitate osoa inplikatzea hondakinak behar bezala bereiztearen aldeko ekintza batean, ingurumenarekiko sentsibilitate iraunkorragoaren bozeramaile bihurtuz.
Informazio gehiago Bilbaobirziklapena webgunean: https://bilbaobirziklapena.com/aurkezpena-presentacion/
