Pasa den irailaren 26an Urratsbat egitasmoaren eskutik antolatu zen Atxurin “Ekintzailetza teknologikoa: Blockchain eta NFTak Jardunaldia”. Bertan,  Foxtrot Command enpresakoak diren Rafael Jareñok eta Isaac Jimenezek aurkeztu ziguten haiek gauzatutako ekintzailetza ibilbide arrakastatsua. Gure zentroko ikasleek presentzialki eta streaming bidez parte hartu zuten, eta baita Gasteizko CIFP Mendizabala LHII eta Tknikako lagunak izan genituen gonbidatuak.